Monday, June 21, 2010

سلطة الباذنجان المشوى



سلطه حلوه و لذيذه قوى و سهله و كمان كل مكوناتها مفيده للجسم
ممكن تكون عشا خفيف و حلوه للريجيم و ممكن تكون مقبلات لذيذه

سلطة الباذنجان المشوى

المطلوب ( كيلو باذنجان - حبتين فلفل اخضر او الوان - عصير ليمونه كبيره - حبتين طماطم جامده - فصين ثوم كبار - فنجانين بقدونس مفرى ناعم - زيت زيتون او ذره - ملح و فلفل للتتبيل )

الطريقه فى منتهى السهوله اولا نشوى الباذنجان
و بعدين نقشره و نحطه فى اناء ستانلس او زجاج الى هنقدمه فيه و نهرسه بالشوكه
نقطع الطماطم قطع صغيره و الفلفل و الثوم كله يتقطع صغير و نضيف الخضار على الباذنجان و نحط البقدونس و عصير الليمون و نملح بالملح و الفلفل و ممكن نستغنى عن الفلفل و نكتفى بالملح حسب الرغبه و نزود الزيت و نقلب كويس
نقدمه مع خبز محمص بيكون لذيذ و بالهنا و الشفا

No comments: